上次都講過南丫島有好多類型既cafe, 有啲甚至係有自己既主題。南丫島有一間以陶笛做主題既cafe，餐廳會不停播放店主表演既音樂，好唔好聽就真係見人見智，不過為左俾食客專心欣賞音樂，餐廳入面只可以用圖書館聲傾計。如果同三五知己一路食一路傾計，呢間餐廳未必會適合你，因為講得大聲小小店員就會拎個牌去你面前叫你收聲咖！
如果你想靜靜地享受下午，呢個餐廳都可以係你既選擇！呢個餐廳既食物係素食，無論意粉burger都係素食。食物質素其實唔錯，白汁香草意粉都係新鮮做，而且香草味好濃郁，好味咖！咖啡都係值得一讚！口感幾幼滑，而且好香濃！甜品方面，tiramisu 係值得試既選擇！唔會太甜，而且冧酒味都幾濃！而個焗芝士蛋糕，外表真係麻麻，不過入面有小小果粒，係幾特別既，不過就唔係個個岩食啦！
呢道既食物係新鮮做，所以需要預留充裕既時間，今次我地等左45分鐘先等到杯咖啡，主菜甚至需要等個半鐘先到！去食記得預鬆小小時間呀！
Lee Ocarina Cafe
南丫島榕樹灣大街45號
Search